Vëllaznimi ka mposhtur Bashkimin me rezultat 84-78 në kuadër të xhiros së 23-të në Superligën e Kosovës në basketboll.

Gjakovarët arritën të bëjnë një shkëputje në pjesën e parë me 13 pikë diferencë me rezultat në semafor që shënonte 55-42, ku u ndihmoi në rrjedhën e lojës, shkruan Arbresh.info.

Teksa në dy çerekët tjerë prizrenasit u ringjallën mirëpo pa arritur fitoren, kështu kuqezinjtë triumfuan në fund, 84-78.

Më i dalluari tek Vëllaznimi ishte Jalen Ray me 25 pikë, teksa lojë të mirë bëri edhe qendra gjakovare Osaikhëuëuomëam me 16 pikë.

Ndërsa nuk mjaftuan 22 pikët e Altin Morinës që Bashkimi të evitojë këtë humbje.

Pas kësaj fitore Vëllaznimi bënë një hap të madh, për Play-offin e këtij sezoni, tani më është në vendin e pestë me 10 fitore e 13 humbje, kur kanë mbetur edhe pesë ndeshje për të luajtur.

Kurse Bashkimi është i gjashti me 8 fitore e 15 humbje./Arbresh.info/